Placeholder
Новости Казахстана29 мая 2023, 20:45

Түркістандық құрылысшы қошқар көтеруден рекорд орнатты

Арыс қаласының тұрғыны Азамат Мақұлбеков қошқар көтеруден жаңа рекорд орнатып, ресми түрде Қазақстан рекордтар кітабына (КИнЭС) енді, деп хабарлайды Arbat.media.

Ол салмағы 40 келі қошқарды 5 сағат 26 минутта 3555 рет көтеріп, еліміздегі жаңа рекордты тіркелді. 

37 жастағы Азамат Нұрғалиұлы құрылыс саласында қызмет етіп жүр. Сонымен бірге, құрылысшы жігіт спорттың бірнеше түрімен айналысады. Қошқар көтеру сайысына қызығушылығы 2018 жылы пайда болып, көптеген жарыстарда жүлделі орындарды иеленді

Бұл - Қазақстан бойынша ең соңғы рекорд. Жиында Қазақстан рекордтар кітабының (КИнЭС) кейіпкері ретінде Азаматқа арнайы куәлік табысталған. 

 

Түркістан облысы Рекорд Қошқар көтеру

Новости по теме