Новости Казахстана•31 мая 2023, 15:51
2022 жылы елімізде 130 мыңнан астам адам бақилық болды
Қазақстанда 2022 жылы 133,5 мың адам қайтыс болды. 2021 жылмен салыстырғанда қайтыс болғандар саны 26,9%-ға азайды, деп хабарлайды Arbat.media.
Ұлттық статистика бюросының мәліметінде, бұл көрсеткіш 2021 жылы 182,4 мың адамды құраған. Жалпы қайтыс болғандардың 62,4% 63 және одан жоғары жастағылар.
Өлім-жітімнің ең жоғары көрсеткіші Солтүстік Қазақстан (1000 адамға шаққанда 11,63), Шығыс Қазақстан (1000 адамға шаққанда 11,58) және Қостанай облыстарында (1000 адамға шаққанда 10,65) байқалды, бұл осы өңірлердегі халықтың жас құрылымымен байланысты болды. Сондай-ақ, 2022 жылы өлім-жітімнің негізгі себептері қан айналымы жүйесінің аурулары – 22,7%, ісік – 10,4%, тыныс алу органдарының аурулары – 9,8%, жазатайым оқиғалар, улану мен жарақаттар – 8,4% және ас қорыту жүйесінің аурулары – 8% құрады, - деп жазылған бюро мәліметінде.
Сондай-ақ, былтыр 1 жасқа толмаған 3154 нәресте қайтыс болған, нәресте өлімі 1000 тірі туғанға шаққанда 7,68 шамасында боды. Ал 2021 жылы 3732 нәрестенің демі үзілді.
Поделиться
Читать Arbat media в